Eis Musik archiv

Et war den éischten Nejoersconcert fir d’Harmonie Useldeng deen sie an enger bis ob dei läschten Plaatz gefëllten Kierch gespillt hun. Fir hieren neien Dirigent den Paul Fox war et nit nemmen den éischten Concert mat der Useldénger Musik, mee et war eng Première fir heen eng Musik ze dirigéieren.

Sie hun hieren Concert mat engem schmassegen Stéck mam Numm “Sea Songs” ugefaang. Uschléissend gung et dun mat enger méi roueger Melodie am “Pavane in Blue” virun. An dësem Stéck hun mir en Trompettensolo vum Georges Mertz an en Saxophonsolo vum Joelle Nothum héieren. Als 3. hun se eis mat engem gäelëschen Stéck “Solas Ané” an eng aner Welt entfouert.
Duerno kruten mir dem Luciano Pavarotti säin “Nessun Dorma” presentéiert, wou d`Baritonen déi gefillvoll Haaptmelodie schéin gespillt hun. Baal an der halschent vum Concert ukomm, ass d’Harmonie Useldéng mam

“I will follow him” mat eis an Klouschtergeschicht vun Sister Act gereest,wou mir een Trompetensolo vum Georges Mertz héieren hun. “Choral and Rock out” war dat 6. Stéck vum Concert wou roueg an méi rockeg Rythmen kombinéiert waren. Weider goung et mam “Canterbury Chorale” wat dat schwéierst an awer och dat meecht applaudéiert Stéck vum Owend war. Wéi erwart gung et dun mat deem wonnerschéinen Stéck “Vivo per lei” vum Andrea Bocelli virun, wou den Jérôme Heirendt um Bariton an den Gilbert Hermann um Saxophone dëst Duett mat voller Leift gespillt hun. Mam peppegen Stéck “Joyride” waren mir dun baal um Enn vum Concert ukomm. Als Oofschloss hun sie eis, sou wei den Numm vun hierem Concert et schon seet den “Happy New Year” vun Abba fiergedro. Den Concert huet den Zuschauer sou gudd gefall dass sie 2 Zugaben geklappt hun an daat waren “You raise me up” mam Bügelsolo vum Diane Hennico an “Jesu Joy of Man’s Desiring”.

Den Concert war en vollen Erfolleg an gëtt mat Secherheet nach oft widderholl (Artikel mywort.lu)